Pahargyan Temanten

Sagung para tamu saha para rawuh ingkang minulya, ngaturi uninga bilih pangombyong temanten putri sampun rawuh, panjenengan sedaya kasuwun jumeneng sawatawis paring pakurmatan rawuhipun pangombyong temanten putri.

Pahargyan temanten

Salam

Assalamu’alaikum Wr.Wb.

Bismillahirrohmannirrohim.              

Alhamdulillahi robil’alamin …………………………………….

1.       Ngarsanipun para kyai, para alim, ulama’ ingkang pantes kalamun tinulat tinuladha dhumateng kawula mudha tumaruno, ingkang siang ratri tansah sumandhing kitab suci wahyu illahi, minangka pandam pandoming kiblat manembah mring Gusti ingkang Maha Kuwasa nenggih Allah SWT, ingkang tuhu kinabekten.

2.       Ngarsanipun para sepuh pini sepuh saha  para pepundhen, ingkang tuhu memetri dhumateng bebuden luhur, ingkang dhahat sinudarsana.

3.       Panjenenganipun bapa Besan dalasan ibu tuwin pangombyong ingkang kinurmatan.

4.       Para lenggah kakung sumawana putri, langkung-langkung Bpk.H. Budi Sutikno sekaliyan ingkang hamengku gati, ingkang kebak ing suka basuki.

Kepareng kula nggempil kamardikan panjenengan sedaya, ingkang katemben wawan pangandika awit, kula minangkani pamundhutipun Bpk.H.Budi Sutikno sekaliyan Ibu Hj. Sudaryati, sinaraya atur pambiwara rantamaning hadicara pahargyan prasaja ingkang sampun rinacik dening kulawarga nun inggih, panjenenganipun Bpk.H.Budi Sutikno sekaliyan, ingkang hanetepi jejering tiyang sepuh mahargya putra amiwaha siwi, putranipun ingkang asesilih Bagus Fauzi Adi Saputra,SE ingkang sampun kalampahan dhaup kaliyan Rara Ayu Sri Subasita Nurul Fitroh putra putrinipun Bpk.H.Zawawi, mijil saking tlatah Dusun Klitih., Karangrejo. Bonang,

Parandene reroncening hadicara ingkang sampun rinacik dening kulawarga nun inggih :

1.       ( Pambuka minangka  adicara ingkang sepisan )

2.       Miyosing Temanten sarimbit saking sasana wangi kalenggahaken ing sasana rinengga.

3.       Atur Pasrah saking temanten putri

4.       Atur panampining pasrah saking temanten kakung

5.       Sabda tama / Mauidhoh hasanah kalajengaken donga

6.       Boyong/ bedhol temanten saking sasana rinengga

7.       Jawat Asta

Salam-salaman utawi atur pangestu dhateng ingkang mengkugati

8.       Purna.

1         Para tamu kakung sumawana putri ingkng minulya.

Amrih gancar lancaring hadicara, purwa, madya, wasana, kula dherekaken manungkupuja sesarengan, nut satataning agami Islam, kanthi pangucaping ummul kitab, bilih hadicara kawiwitan, bibarokatil fatihah …….

2         Ndukap acara kaping kalih, mijiling temanten sarimbit kakanthi dening ibu juru sumbaga tumuju ing sasana rinengga, kabiwaldha ungeling gendhing ktw. Puspawarna ….., nyandra ( binarung swaraning ….), penganten putrid wus prapta ing sasana rinengga, katon lenggah hanggana raras.

3         Atur Pasrah saking temanten putri

Dhumateng ngarsanipun Bpk ………. Minangka duta cakaraning panjenenganipun Bpk. Bpk.H.Zawawi Sekaliyan ingkang badhe atur pasrahing temanten kakung.

kasuwun satata ing dhiri sawega ing gati tumuju ing sasana ingkang sampun samapta. sumangga

4         minangka panampining pasrah. Dhumateng ngarsanipun Bpk.Kyai H. Azari Zaeni,M.Ag saha Bpk.H.Budi Sutikno sekaliyan kasuwun satata ing dhiri sawega ing gati tumuju ing sasana ingkang sampun samapta. Sumangga

5         Para lenggah ingkang minulya, temanten sarimbit lenggah kanthi bingahing manah, sampun siyaga nampi seserepan saking para sepuh, amrih waluyaning anggenipun mangun bebrayan, ingkang badhe kawedhar panjenengannipun AlMukarom Bpk. Kyai H. Rizal Afthoni,M.Pd ingkang kinabekten, kasuwun tumuju ing sasana ingkang sampun samapta , paring wejangan dumatheng temanten sarimbit, kalajengaken donga , sumangga…

6.       Dhumawahing adicara Boyong temanten.

Dhumateng ngarsanipun Bapa saha Ibu …….. tuwin kadang wandana, kasuwun jengkaraken temanten sarimbit kakanthi tumuju ing sangajenging kori pawiwahan kabiyantu panjenenganing Ibu Pangadi Busana. ……..

7.       Panutup.

Sagung para lenggah ingkang minulya.

Minangka ingkang hamengku karsa matur agunging panuwun dhumateng panjenengan sami ingkang sampun paring sabiyantu arupi punapa ke mawon, saha nyuwun pangaksami awit nglenggana, taksih kathah ing kekirangan tumrap ing panampi, lungguh, saha suguh ingkang kirang mranani ing panggalih panjenengan sami. Dene kula ingkang mratitisaken laksitaning hadicara kirang tatas, titis, saha kirang suba sita awit, taksih cibluk ing kawruh cupet ing pamawas, purwa madya lan wasana, kula tansah nyadhong sih lumunturing pangaksama ingkang tanpa pepindan, pungkasing atur kasuwun kanthi sesarengan atur pepuji dhumateng Gusti,

kanthi waosan : Alhamdulillahi robbil’alamiin.

Billahittaufik walhidaayah

Wassalamu’alaikum. Wr. Wb.

Nuwun.